Saraakiisha Booliska dalka Kenya ayaa soo bandhigay magaca iyo sawirka nin ay ku sheegeen inuu ka tirsan yahay ururka Al-Shabab kaasoo ay ku eedeeyeen inuu dab qabadsiiyay kaniisad ku taala dalkaasi.
Ninka ay booliska Kenya baadigoobayaan magaciisa waxay ku sheegeen Anthony Mbele Munyasya Al-Shabaab waxaa looga dhex yaqaan Ilyaas Cabdalla.
Warar dhinaca Sirdoonka ah oo booliska Kenya uu shaaciyay ayaa waxaa lagu sheegay in Ilyaas uu Al-Shabab ka tirsanaa tan iyo sanadkii 2014 waxaana uu ka mid ahaa koox weerartay magaalada Nairobi iyo magaalooyin kale oo dalkaasi ku yaala.
Waxyaabaha sida gaarka ah loogu eedaynayo ninkaan la raadinayo waxaa ka mid ah inuu mar gubay kaniisad ku taala degaanka Kitui la yiraahdo oo ku yaala bariga magaalada Nairobi.
Booliska Kenya waxay aaminsanyihiin in Ilyaas Cabdalla oo ka baxsday xabsi uu ku xirnaa uu usoo baxsaday dhanka Soomaaliya waxaana ay sheegeen inuu yahay sargaal aad u tababaran oo ka baxsaday dhawr hawlgal oo la isku dayay in lagu qabto.
Xafiiska Shabakada Allbanaadir.com
Muqdisho Somalia
Allbanaadir@live.com Â
