Wasiirkii Beeraha ee dowlad goboleedka Hirshabelle Xildhibaan Cabdiqaadir Abuukar Karaani ayaa caawa lagu dilay magaalada Jowhar ee xarunta dowlad goboleedka Hirshabelle.
Cabdiqaadir Abuukar Karaani ayaa la diley xilli uu ka soo baxay masjid uu salaadii Cishaha ku soo tukaday oo ku yaalla xaafada Kulmis ee magaalada Jowhar sida ay dad goob joogayaal ah u sheegeen Warbaahinta
Dilka Wasiirka ayaa la sheegay inay geysteen kooxo bastoolado ku hubeysan oo goobta ka baxsaday ciidamada ammaanka ayaana goobta gaaray, iyagoo wada baaritaano kala duwan, lamana oga sababta wasiirka uu ilaalo la’aan u socday xili habeen ah.
Masuuliyiinta dowlad goboleedka Hirshabelle iyo kuwa maamulka gobolka Sh/dhexe ayaan ka hadlin dilka wasiirka oo masuuliyadiisa ay sheegatay Al-shabaab oo dagaal adag kula jirta DF iyo ciidamada shisheeye ee taageeraya.
Dilkan ayaa ku soo beegmaya xili Al-shabaab ay xoojisay 24 saacadood ee la soo dhaafay weerarada ay ka geysato qeybo ka mid ah dalka, iyagoo fuliyey illaa afar weerar oo ka kala dhacay gobolada Banaadir, Baay iyo Gedo.
Xafiiska Shabakada Allbanaadir.com
Muqdisho Somalia
Allbanaadir@live.com
