Shil sababay khasaare iskugu jira dhimasho iyo dhaawac ayaa ka dhacay Suuqa Bakaaraha ee magaalada Muqdisho.
Goob joogayaal ayaa sheegay in shilkan uu yimid ka dib markii gaari xamuul ah oo bagaash siday uu ku fariin goostay meel ku dhow Isgoyska H/wadaag oo aad u mashquul badan maalintii.
Darawalka gaariga ayaa xakameyn waayey gaariga markii uu ka waayey bareega ka dibna waxaa gaariga uu madaxa la galay goob ganacsiga oo wadada dhinaceeda ku taalla.
Ugu yaraan 3 qof ayaa la xaqiijiyey iney ku dhinteen shilkaas 8 kalena ku dhaawacmeen shilkaas, kuwaasoo iskugu jiray dad wadada dhinaceeda lugeynayey iyo qaar ku jiray goobta ganacsiga ee gaarigu galay.
Ciidamada ammaanka iyo Maamulka degmada H/wadaag ayaa gaaray goobtaas oo sidoo kale ay buux dhaafiyeen shacab fara badan.
Xafiiska Shabakada Allbanaadir.com
Muqdisho Somalia
Allbanaadir@live.com
