Xildhibaanada Golaha Shacabka ayaa maanta kulanoooda uga hadlaya sharci saameyn ku yeelanaya Shirkadaha dalka gaar ahaan Shirkadaha waa weyn oo la sheegay in aysan bixin canshuurta ku waajibtay.
Xogheynta Golaha Shacabka ayaa ajandaha koowaad ee kulanka maanta ku daray sharciga Shirkadaha , waxa uuna sheegay in sharcigan horey Xukuumada Soomaaliya ugu soo gudbisay Golaha Shacabka.
Sharcigan maanta Baarlamaanka la horgeenayo oo ah mid saameyn badan ku yeelanaya Shirkadaha dalka ayaa hadii Baarlamaanka meel mariyaan waxaana qasab ku noqon doonta shirkadaha dalka in laga qaado canshuurta lagu leeyahay.
Golaha Shacabka oo horyaalaan hidiso sharciyeedyo badan ayaa dedejinaya meel marinta sharciyo muhiim ah Xukuumada Soomaaliya horey u meel marisay una gudbisay Baarlamaanka Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
