Degmada Saakow ee gobolka Jubada Dhaxe ay maamulaan Al Shabaab waxaa lagu toogtay Mas nuuca loo yaqaan Jabisada oo la sheegay in ay cuntay eey , waxaana jabisadan toogtay dagaalyahano katirsan Al Shabaab.
Goobjoogayaal ayaa ku waramay in ay arkeen Jabisadan oo caloosheeda laga dareemayay culees weyn, waxa ayna sheegeen in ay u qaateen in ay soo cuntay dad ama xoolo sidaasna lagu toogtay .
Jabisada ayaa la sheegay on markii la dilay kadib caloosha laga dooxay lagana soo saaray Eey siidiisa ah, waxaana dad badan layaab ku noqotay in jabisadan ay sidiisa u liqday eeygan oo ahaa mid weyn.
Dad badan ayaana isugu soo baxay goobta Al Shabaab ku toogteen jabisadan halista badan ku heysay degmada Saakow ee gobolka Jubada Dhaxe, waxa ayna sheegeen dadka degan degmadaasi in jabisadan horey u cuntay xoolo ayna cabsi badana dadku ka qabeen.
Xafiiska Shabakada Allbanaadir.com
Muqdisho Somalia
Allbanaadir@live.com
