Sii hayaha Ra’iisul Wasaaraha dalka Mahdi Maxamed Guuleed Khadar, ayaa hambalyo u diray Ilhan Omar, Omar Fateh iyo Jamal Osman oo guulo ka gaaray doorashooyinkii heer federaal, gobol iyo degmo ee gobolka Minnesota ee dalka Mareykanka.
Sii hayaha Ra’iisul Wasaaraha ayaa muujiyay sida dadka Soomaaliyeed ugu faanayaan guusha ay gaareen dhallinyaradan Soomaaliyeed, isagoo u rajeeyay inay ka wada shaqeeyaan xoojinta xariirka dadka Soomaaliyeed ee dalka jooga iyo Soomaalida ku dhaqan dalka Mareykanka.
Xildhibaan Ilhaan Cumar ayaa uga adkaatay Antone Melton-meaux doorashooyinka horudhaca ahaa ee ay ku kala harayeen xubnaha xisbiga dimoqraadiga ee doonaya in loo doorto Aqalka Congress-ka Mareykanka.
Ilhaan Cumar ayaa bisha November la tartami doonta tartamaha xisbiga Jamhuuriga, ayada oo ay u badan tahay in dib loo doorto, sababtoo ah deegaan doorashadan ayaa waxaa aad ugu xooggan xisbiga Dimoqraadiga.
Tartanka Ilhaan ay gashay ayaa ahaa mid ka mid ah kuwii ugu adkaa tartamada is-reebka ee Aqalka Congress-ka, ayada oo lacag badan oo malaayin dollar ah ay ku baxday.
Dhinaca kale, Cumar Faatax oo ah nin dhalinyaro ah ayaa ku guuleystay kursi ah Aqalka Senate-ka ee gobolka Minnesota.
Xafiiska Shabakada Allbanaadir.com
Muqdisho Somalia
Allbanaadir@live.com
