Ciidamada milateriga dowlada Somalia ayaa degmada Baardheere ee gobolka Gedo ku qabtay gaadiid la sheegay inuu siday saanad dagaal oo ku socotay Al-shabaab
Taliyaha ururka 49-aad ee Guutada 10-aad ee ciidanka xoogga dalka Soomaaliyeed Xidigle Faarax Maxamed Turbac ayaa sheegay in rasaasta ay ciidamadu qabteen ay tiro ahaan gaareyso 15,000 oo ah rasaasta loo isticmaalo qoryaha AK-47 ah iyo qoriga daba-jeexa
Xidigle Faarax Maxamed Turbac ayaa sidoo kale sheegay in rasaastaan loo waday Al-shabaab fariisin ku leh tuulada Raydab oo 40-KM u jirta degmada Baardheere.
Ragga gaariga ku waday rasaasta oo gaarayey afar nin ayuu sheegay taliyuhu inay isku dayeen inay laaluushaan ciidanka qabtay, iyagoo u balan qaaday lacag dhan Saddex kun oo dollar, balse ciidanka ayaa ku gacan seyray iyagoo xabsiga dhigay gaariga iyo raggii watay.
Xidigle Faarax Maxamed Turbac ayaa sidoo kale tilmaamay in Al-shabaab doonayeen rasaastan inay ummada Soomaaliyeed ku dhibaateyaan balse laga hor tagay.
Xafiiska Shabakada Allbanaadir.com
Muqdisho Somalia
Allbanaadir@live.com
