Tirada dadkii ku dhintay qaraxii Talaadadii ka dhacay magaalada Beirut ayaa gaartay 154, sida ay baahisay wakaaladda wararka ee dowladda Lubnaan oo soo xiganeyso wasiirka caafimaadka.
Ku dhawaad 120 qof oo ku dhaawacmay qaraxa ayaa ku jiraa xaalad halis ah, in badan oo kamid ah dadkaas waxay u baahan yihiin qalliin, sida uu sheegay wasiirka caafimaadka ee Lubnaan, Xamad Xasan.
Sidoo kale waxaa la soo sheegayaa iney jiraan dad weli lagu la yahay qaraxaas oo aan la ogeyn nolol iyo geeri halka ay ku dambeeyeen.
Maalinta axadda ah ayaa lagu wadaa in dalkaas ay ka dhacaan dibadbaxyo ballaaran oo looga soo horjeedo dowladda, waxaase aan la ogeyn sida dibadbaxayadan ay uga sii dari karaan xaaladda Lubnaan oo haatan la daala-dhacyso waxyeeladii qaraxyadii dhacay, dhibaato dhaqaale iyo sameynta feyraska corona.
Xafiiska Shabakada Allbanaadir.com
Muqdisho Somalia
Allbanaadir@live.com
