Ka dib howlgal qorsheysan oo ciidanka kumaandoska Danab ee Xoogga dalka ka fuliyeen degaan lagu magacaabo Lafaha-ragga oo u dhow magaalada Kismaayo ayey gabi ahaanba ku burburiyeen saldhig Kooxda Alshabaab ku lahaayeen halkaasi sida ay sheegeen saraakiisha ciidankaasi
Waxay intaas ku dareen iney khasaaro gaarsiiyeen dagaalyahanadii ka tirsanaa Al-shabaab ee saldhigaas joogay gacantana ku dhigay saanad ciidan oo halkaas u taalay.
Degaanka ayaa ahaa xarun ay isaga kala gudbi jireen al-shabaab, waxaana haatan fariisin ka dhigtay ciidanka xoogga dalka Soomaaliyeed sida saraakiisha Danab ay sheegeen.
“Howlgalka qorsheysan ee ay fuliyeen ciidanka kumaandooska danab ayaa waxaa lagu dilay Lix dagaalyahan sida uu sheegay Taliyaha Guutada 16-aad ee kumaandooska danab G/lle Ismaaciil Cabdimaalik Maalin.
Xafiiska Shabakada Allbanaadir.com
Muqdisho Somalia
Allbanaadir@live.com
