David Goodall oo ahaa seynisyahan 104 sano jir ah ayaa nafta looga raaxeeyay ka dib markii uu nolosha geeri ka doorbiday
Ninkan ayaa doorbiday in nafta looga raaxeeyo isbitaal ku yaalla dalka Switzerland.
Waxaa arrintan shaaciyay ururka u ololeeya xaqa uu qofka u leeyahay in uu dhinto.
Ururka caalamiga ah ee lagu magacaabo Exit International ayaa waxa ay sheegeen in Mr Goodall uu dhintay saacada markay ahayd 12:30 waqtiga dalka Switzerland .
Seynisyahankani caanka ah ma uusan hayn xanuun badan balse waxaase uu go’aansaday in nafta looga raaxeeyo .
Waxaa laga soo duuliyay dalka Australia si iyada oo la raacayo rabitaankiisa in nafta looga raaxeeyo.
Markii ugu dambeysay oo uu goob fagaaro ah ka hadlo ayaa waxa uu sheegay inuu la yaabay sida ay dadka u danaynayaan kiiskiisa “Ma rabo in aan sii noolaado,” ayuu yiri
“Qofka jira da’deyda amaba iga yar waa inuu xor u yahay inuu doorto geeri marka ay geeridu tahay waqtigii haboonaa.” ayuu intaa ku daray David Goodall oo dhowaan u dabaaldegay sanadguuradiisii 104 ee dhalashadiisa.
SAWIRADAN HOOSE WAA DAQIIQADO INTA AAN NAFTA LA DHAAFININ
Xafiiska Shabakada Allbanaadir.com
Muqdisho Somalia
Allbanaadir@live.com
