Allbanaadir.com
NEWS

Magacyada Saraakiil Al-shabaab looga dilay weerarkii ka dhacay Bariire oo la shaaciyey (Akhriso)

Abaandullaha Ciidanka Xoogga dalka Soomaaliyeed Jen. C/llaahi Cali Caanood ayaa shaaciyey magacyada saraakiil ka tirsan Al-shabaab oo lagu dilay duqeyn ciidamada Mareykanka ka fuliyeen xalay meel ku dhow degaanka Bariire ee gobolka Sh/hoose.

Jen. Caanood ayaa hadalkiisa intaas ku daray in duqeynta dayuuradeed lala beegsaday saldhigyo ay Al-shabaab ku leeyihiin meel u dhaw degaanka Bariire, isagoo xusay oo lagu dilay ilaa iyo 3 sarkaal oo ka tirsanaa Al-shabaab.

Abaandullaha ayaa Magacyada Saraakiisha lagu dilay duqeynta ku kala sheegay Khalif Maxamed Warsame (Khaliif Cadale), Yuusuf Macalin Cabdalla iyo Muuse Cali Gaabow.

Sidoo kale, abaandullaha ciidanka xoogga dalka waxa uu sheegay in duqeynta lagu burburiyey ilaa iyo afar goobood oo Al-shabaab u ahaa saldhigyo ay ka soo abaabulaan weerarada laguna dilay dagaalyahano badan oo kooxda ka tirsanaa

Jen. Caanood oo ka hadlay wararka sheegaya in howlgalkaas dadka lagu dilay ay ku jireen shacab ayuu sheegay iney arintaas maqleen ayna socdaan baaritaano la xiriira.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Saciid Ciise: “Meelmarinta Isbedelka dastuurka dalka waa gobonimo Siyaasadeed”

Caydiid Ali

Dibadbax rabitaanka Xasan Sheekh lagu taageerayo oo ka dhacay Muqdisho (Sawirro)

Cabdi Cade

Mareykanka oo cunaqabateyn ku soo rogay dad u dhashay Israa’iil oo lagu eedeeyey..

Caydiid Ali
Taboola Ads ---