War kasoo baxay Milatariga Israa’iil ayaa lagu sheegay ciidamo katirsan Kacaanka Iiraan oo ku sugan gudaha dalka Siiriya in Gantaalo culus kusoo garaaceen fariisimo Milatariga Israa’iil ku leeyihiin buuraha Golan Heights.
Milatariga Israa’iil ayaa sheegay in ku dhawaad 20-Gantaal kusoo rideen Ciidamada Iiraan saakay oo Khamiis ah kusoo rideen, waxa ayna Milatariga intaas ku dareen in la qabtay inta badan Gantaaladaasi iyaga oon wax khasaaro ah geesan.
Israa’iil ayaa heegan buuxa galisay ciidamadeeda ku sugan buuraha Golan Heights, waxa ayna shacabkooda halkaasi ku sugan ugu baaqeen in ay raadsadaan goobo ay kaga gabaad galaan gantaalada.
Milatariga Israa’iil ayaa lagu soo waramayaa in weerar aargoosi ah durba ku qaadeen dhinaca Siiria, waxa ayna gantaalo ku garaaceen saldhigyo ee Milaariga Siiriya ku leeyihiin magaalada Dimishiq.
Wakaaladda wararka u faafisa Siirriya ee Sana ayaa sheegtay in Ganaalo ay soo rideen Milatariga Israa’iil hawada Siiriya soo galeen balse laga hortagay iyaga oon wax khasaaro ah geesan.
Xafiiska Shabakada Allbanaadir.com
Muqdisho Somalia
Allbanaadir@live.com
