Dagaalo culus ayaa maanta ka dhacay degaano ka tirsan magaalada Belad-weyne ee gobolka Hiiraan kaasoo dhexmaray kooxda Macawisley iyo dagaalyahanada Al-shabaab.
Wararka ayaa intaa ku daraya in dagaalkan uu bilowday ka dib markii kooxda Macawisley ay weerareen dagaalyahano ka tirsan Al-Shabaab oo ku sugnaa degaanka Far-libaax ee duleedka Belad-weyne.
Labada dhinac ayaa isku adeegsaday hubka noocyadiisa kala duwan, iyadoo qaraxyo iyo rasaas kala duwan laga maqlayey degaankaas muddo Far-libaax.
Al-shabaab ayaan ka hadlin weerarkan balse saraakiil ka tirsan kooxda Macawisley ayaa sheegay iney dagaalkaas khasaare ugu geysteen Al-shabaab, ayna ku dileen 3 nin, qaar kalena ka dhaawaceen.
Ma jiraan warar madax banaan oo ka hadlaya khasaaraha rasmiga ah ee ka dhashay dagaalkan, hase ahaatee degaanadii lagu dagaalamay ayaa la sheegayaa iney ka jirto xiisad iyo dhaqdhaqaaqyo ciidan oo sababi kara iney dhacaan dagaalo kale.
Xafiiska Shabakada Allbanaadir.com
Muqdisho Somalia
Allbanaadir@live.com
