Ciidamo katirsan ilaalada aqalka dowlada Hoose ee Xamar ayaa lagu soo waramayaa in jirdil u geesteen Gudoomiyaha degmada Warta Nabada Saynab Maxamuud Warsame (Xaabsey).
Sida aan wararka ku helnay ilaalada Gudoomiyaha degmada Warta Nabada iyo ilaalada xarunta dowlada hoose ee Xamar ayaa isku dhacay, taa oo markii dambe keentay in qoray baadkiisa lagu dhufto Gudoomiyaha Warta Nabada.
Dad ku dhaw dhaw Gudoomiyaha degmada Warta Nabada ayaa warbaahinta u sheegay in Seynab jirdilkaasi ay waxyeelo kasoo gaartay loona qaaday isbitaal xaaladeeda lagula soconayay.
Xaalada gudoomiyaha Warta Nabada ee jirdilka loo geestay ayaa lagu soo waramayaa in hada wanaagsan tahay, waxaana la xiray sida wararka ku helnay askartii jirdilka u geestay Gudoomiyaha iyo kuwii uu ka bilowday rabshada.
Gudoomiyaha Warta Nabada oo kamid aheyd dadkii ku dhaawacmay qaraxii sanad kahor ka dhacay xarunta gobolka Banaadir ayaa xiliga jirdilka loo geesanayay u socotay ka qeyb galka munaasabad loogu duceenayay masuuliyiintiii ku dhimatay qaraxaasi.
Xafiiska Shabakada Allbanaadir.com
Muqdisho Somalia
Allbanaadir@live.com
