Boqorka Sacuudiga oo dhawaan la dhigay Isbitaal kuyaala magaalada Riyaadh ayaa lagu soo waramayaa in xaaladiisa ay kasoo reeneyso ,kadib qaliin ay ka qeyb qaateen dhaqaatiir badan oo maanta lagu sameeyay.
Boqor Salman Bin Abdulaziz ayaa lagu sameeyey qalliin looga saaray xameetida kadib markii uu ka xanuunsaday, waxaana xaalada Boqorka dowlada Sacuudiga sheegtay in ay aad u wanaagsan tahay.
”Boqorka Salmaan wuxuu maanta isbitalka Boqor Faysal ee magaalada Riyadh ku maray qalliin looga saaray xameetida,” ayaa lagu yiri bayaan kasoo baxay maxkamadda boqortooyada Sacuudiga.
Bayaan kasoo baxay Maxkamada Boqortooyada ayaa lagu sheegay in Boqor Salmaan Bin Abdulaziz uu isbitaalka Boqor Faysal kusii nagaan doono maalmo si xaaladiisa caafimaad loola socdo.
Boqortooyada Sacuudiga ayaan horey looga baran ka hadalka xaalada caafimaad ee Boqorka, waxaana mudooyinkii dambe lasoo warinayay in xanuuno lasoo darseen Boqor Salmaan oo talada dalkaasi haya mudo 5-sano ah.
Xafiiska Shabakada Allbanaadir.com
Muqdisho Somalia
Allbanaadir@live.com
