Gabar dhalinyaro ah oo u dhalatay dalka Afgaanistan ayaa si weyn looga hadal hayaa baraha bulshada ,kadib markii gabadhaan ay dishay labo dabley oo katirsan kooxda Daalibaan ee ka dagaalanta dalkaasi.
Warbaahinta caalamka kuwooda ugu afka dheer ayaa baahiyay in gabadhan dishay labo kamid ah maleeshiyaadka Daalibaan oo dilay aabaheed, waxaana gabadhan lagu tilmaamay halyey aargoosatay.
Mas’uuliyiinta gobolka Ghor ee dalka Afgaanistan ayaa warbaahinta u sheegay in gabadha yar qaadatay qorayga AK-47 uu aabaheed lahaa kadibna dishay labo dagaalyahan oo katirsan Daalibaan oo weerar kusoo qaaday guriga gabadhaasi yar.
Dagaalyahano katirsan Daalibaan ayaa la sheegay in ay dileen gabadhan aabaheed kadibna dileen iyaga oo ku eedeenayay in uu taageersan yahay dowlada Afgaanistan, waxaana markii dambe dableydaasi iska difaacay dadka deegaanka oo la dagaalay.
Gabadha dishay dagaalyahanada katirsan kooxda Daalibaan iyo caruur kale oo la dhalatay ayaa loo qaaday goob amaan ah, waxaana gabadhaasi la sheegay in ay tahay geesiyad u aarguday aabaheed.
Baraha bulshada ayaa si weyn looga hadal hayaa geesinimada gabadhan yar ee u aarguday waalidkeeda, waxaana lasoo dhigayay sawirka gabadhan yar oo dhabta ku heesata qorayga AK-47.
Xafiiska Shabakada Allbanaadir.com
Muqdisho Somalia
Allbanaadir@live.com
