Dhisme ku yaalla degmada Xamar-weyne ee gobolka Banaadir ayaa caawa fiidnimadii soo dumay, waxaana burburka gurigaas ka dhashay khasaare naf iyo maal leh.
Gurigan oo ka koobnaa 3 dabaq ayaa ku yaalla agagaarka Masaajidka Marwaas ee degmada Xamar weyne, waxaana degenaa qoysas shacab ah.
“Dhismahan oo ahaa mid qadiimi ah ayaa qeyb ahaan soo dumay, burbur xoogan ayaa ka dhashay, waxaana goobta laga qaaday dad badan oo dhaawac ah qaar kalena burburka ayey ku hoos jiraan” ayuu yiri goob jooge halkaas ku sugan oo la hadlay Allbanaadir Online.
Shaqaale ka socda Waaxda gurmadka deg deg ah ee gobolka Banaadir iyo shacabka degaanka oo iskaashanaya ayaa la sheegay iney gurmad u sameynayaan qoysaska uu ku soo dumay gurigaas.
Khasaare dhaawac u badan ayaa la soo sheegaya inuu soo gaaray dadkii ku noolaa dhismahaas soo dumay, waxaana jira warar kale oo sheegaya iney jiraan dad ku dhintay.
La soco wixii soo kordha
DAAWO SAWIRRO IYO VIDEO
Xafiiska Shabakada Allbanaadir.com
Muqdisho Somalia
Allbanaadir@live.com
