Madaxweynaha Dowlad goboleedka Puntland Mudane Siciid Cabdullaahi Deni ayaa hoyga uu ka degan yahay magaalada Dhuusomareeb qaabilay Ururada Bulshadda Rayidka ah ee Soomaaliyeed.
Ururada Bulshadda Rayidka ah ayaa la wadaagay Madaxweynaha in ay soo dhoweenayaan Shirka ay yeelanayaan Maamul goboleedyada iyo Dowladda Federaalka ayna rajo wanagasan ka qabaan in shirkaasi miro dhal noqdo.
Kulanka oo looga hadlay xaaladda guud ee Soomaaliya gaar ahaan Doorashadda 2020/2021,waxay Ururada Bulshadu muujiyeen sida loogu baahanahay in laga heshiiyo nooc doorasho oo dalka ka dhacda, taasi oo ku qabsoomi karta muddada wakhtiga ka harsan iyo in Haweenku helaan kooto ku filan.
Madaxweynaha Puntland Mudane Siciid Cabdullaahi Deni ayaa bogaadiyey doorka Ururada Bulshada Rayidka ah ku leeyihiin Dowladdnimada Soomaaliya iyo kaalintii ay ku lahaayeen marxaladahii kala duwanaa ee dalku soo maray.
Xafiiska Shabakada Allbanaadir.com
Muqdisho Somalia
Allbanaadir@live.com
