Allbanaadir.com
NEWS

Nin weerar khasaaro badan geestay ku qaaday Goob Mingiska lagu tumo oo kutaala Muqdisho

Nin hubeesan ayaa lagu soo waramayaa in rasaas xoogan ku furay goob mingiska lagu tumo oo kutaala Degmada Warta Nabad ee gobolka Banaadir, waxaana weerarkan ka dhashay khasaaro isugu jira dhimasho iyo dhaawac.

Goobjoogayaal ayaa ku waramay nin ku hubeesnaa qorayga AK-47 dadka qaarna sheegeen in uu ahaa askari ayaa rasaas ku furay goobta mingiska lagu tumo oo kutaala agagaarka Masjidka xaaji Yuusuf.

Inta la xaqiijiyay weerarkan waxaa ku dhintay labo qof halka ay ku dhaawacmeen ku dhawaad 10-qof kuwaa oo la sheegay in qaarkood qabaan dhaawacyo culus loona qaaday xarumo caafimaad.

Ninka weerarka geestay ayaa la sheegay in goobta ka baxsaday, waxaana goobta dadka shacabka lagu weeraray soo gaaray ciidamo booliis ah kuwaa oo bilaabay baaritaano ku aadan weerarkan iyo sababta keentay.

Booliiska iyo maamulka degmada Warta Nabada ayaan wali ka hadlin weerarkan khasaaraha badan geestay , lamana oga ilaa hada sababta keentay weerarkaasi ninka hubeesan geestay ku qaaday goobta shacabka joogeen.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Shirkii Madaxda maamulada oo fashil qarka u saaran iyo Qodobada ay isku hayaan

Cabdi Cade

Meydka Masuul katirsanaa guddiga Doorashada dalka Kenya oo la helay

Cabdi Cade

Maxkamada ciidamada DF oo saaka toogasho ku fulisay afar nin oo dil ku xukunaa

Caydiid Ali
Taboola Ads ---