Wiil Soomaali ah ayaa caawa lagu dilay degaanka Retreat oo ku yaalla duleedka magaalada Johansberg ee dalka Koonfur Afrika sida ay sheegayaan warar goor dhow halkaas naga soo gaaray.
Marxuum Axmed Xuseen Caddow ayaa ku dhintay rasaas ay ku fureen koox burcad ah xilli uu ku dhex jiray gaari uu watay oo ku sugnaa meel ku dhow goobtiisa ganacsiga.
Dableyda dilka geysatay ayaa ka baxsaday goobta sida ay sheegeen dad joog joogayaal ah oo ku sugnaa halka dilku ka dhacay.
Soomaalida ku nool magaalada Johanesberg ayaa ka xumaaday dilkan arxan darada ah ee loo geystay Marxuum Axmed Xuseen Caddow oo qeyb ka noqonaya dilal joogto ah oo dalka Koonfur Afrika loogu geysto Soomaalida iyo ajaaniibta kale ee dalkaas ka xoogsada.
Xafiiska Shabakada Allbanaadir.com
Muqdisho Somalia
Allbanaadir@live.com
