Guddoomiyaha Madasha Xisbiyada Qaran Madaxweynihi hore ee dalka mudane Sheekh Shariif Sheekh Ahmed iyo Madaxweynihi hore mudane Xasan Sheekh Maxamuud ayaa maanta la yeeshay Guddoomiyaha Golaha Shacabka mudane Maxamed Mursal iyo Gud. Ku xigeenka koowaad ee Golaha shacabka C/wali Sheekh Ibraahim Muudey.
Kulankaan ayaa daba socda shirkii maalin ka hor ay ku yeesheen xarunta Madasha Xisbiyada Qaran.
Ujeedka kulanka ayaa ahaa in qodobbadii laga wada hadlay la dar dar geliyo waxaana si gaar ah diiradda loo saaray sidi loo soo celin lahaa wada shaqeyntii labada Aqal ee Baarlamanka Soomaaliya.
Xasan shiikh oo ka tirsan hogaanka madasha Xisbiyada ayaa maalmo ka hor kulan la qaatay gudoonka aqalka sare ee baarlamanka iyagoo kala hadlay arrimaha doorashooyinka iyo sidii loo xalin lahaa khilaafka labada aqal ee baarlamanka Somalia.
Madasha Xisbiyada Qaran ayaa kaalin muhiim ah ka qaadanaysa dib u heshiisiinta labada Gole ee Baarlamaanka Federaalka sida lagu sheegay qoraal kooban oo ka soo baxay madasha xisbiyada qaran, iyadoo doorkan dhexdhexaadinta ah uu lahaa Madaxweyne Farmaajo.
Xafiiska Shabakada Allbanaadir.com
Muqdisho Somalia
Allbanaadir@live.com
