Ra’isul Wasaaraha Somalia Xasan Cali Kheyre, Wasiir Ku-xigeenka amniga Taliyeyaasha NISA iyo Asluubta iyo Duqa Muqdisho ayaa galinkii dambe ee maanta waxay kormeer ku tageen Xarunta dhexe ee Xisbiga halkaasoo lagu soo bandhigay Ciidamo isku dhaf ah oo loo diyaariyay Sugida amniga Muqdisho.
Ciidamadan ayaa la sheegay in loo soo xulay xasilinta amaanka Muqdisho, si looga hortago falalka amnidarro ee mararka qaar ka dhaca degmooyinka magaalada, iyadoo ay fooda nagu soo heyso bisha Ramadaan.
Wasiir Ku-xigeenka Wasaarada Amniga Gudaha C/naasir Saciid Muuse ayaa kahadlay qorshaha xukuumada ee Ciidamadan Xasilinta caasimada loo diyaariyay. waxaana uu sheegay in hay’addaha amnigu ay ka shaqeeyeen diyaarinta Ciidamadan oo xaqiijin doona amniga Muqdisho iyo deegannada ku dhaw dhaw.
Ra”isul Wasaare Xasan Cali Kheyre ayaa la hadlay Ciidamada,waxaana uu ku baraarujiyey inay mas’uuliyad iska saaraan Sugida Amniga Muqdisho, ayna shacabkooda ka difaacaan kooxo uu ugu yeeray cadow nabadiid ah.
Xafiiska Shabakada Allbanaadir.com
Muqdisho Somalia
Allbanaadir@live.com
