Madaxweynaha Galmudug Axmed Cabdi Kaariye (Qoor-qoor) iyo wafdi uu horkacayo ayaa caawa lagu soo dhaweeyey degmada Xeraale ee gobolka Galgaduud.
Wefdiga Madaxweynaha waxaa qeyb ka ahaa Madaxweyne ku xigeenka Galmudug Cali Dahir Ciid, iyo xubno ka tirsan Golleyaasha xukuumadda, iyagoo ka soo ambabaxay degmada Caabudwaaq oo ay ku sugnaayeen labadii maalmood ee la soo dhaafay.
Waxgaradka, qeybaha bulshada iyo masuuliyiinta degmada Xeraale ayuu kuamo la qaadan doonaa Madaxweynaha, isagoo kala hadli doona arrimaha dib u heshsiisiinta, xoojinta amaanka, la shaqeynta maamulka iyo qodobo kale.
Dhinaca kale, Madaxweynaha Galmudug Axmed Cabdi Kaariye ayaa inta uusan ka soo ambabaxin Caabudwaaq kormeer ku tagay sldhigga Booliiska degmada, isagoo sidoo kale dhagax dhiggay xarunta Agoonta Degmada Caabudwaaq.
Kormeerka waxaa madaxweynaha ku wehlinayey Madaxweyne ku xigeenka, iyo wasiiradda wasaaradaha Amniga gudaha, iyo arrimaha Gudaha Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
