Dhaqaatiirta Isbitaal ku yaalla wadanka Britain ayaa qaliin adag ku sameeyey ilmo dhashay wadnihiisa oo banaanka yaalla.
Ilmahan oo gabar ah ayaa ku dhashay xaalad naadir ah oo afka qalaad lagu yiraahdo (Ectopia cordis) sida dhaqaatiirtu sheegeen.
Lamaanaha dhalay caruurtan ayaa lagu wargeliyey in ilmahoodu wadnihiisu banaanka yaallo markii ay uurka ku jireen 16 todoobaad ka dib markii lagu eegay qalabka Scanka.
Waalidiinta ayaa markii ay ogaadeen xaalada gabadhooda lagula taliyey iney iska soo xaaqaan hase ahaatee wey iska daayeen.
Gabadhan yar oo waalidkeed ula baxeen Vanellope ayaa martay 3 qaliin iyadoo lagu guuleystay in wadnaheeda dib loogu celiyo gudaha, waxaana u dhiman qaliino kale, iyadoo dhaqaatiirtu sheegeen in qaliinkan uu yahay kii ugu horeeyey noociisa ee lagu guuleysto gudaha wadanka Britain.
Xafiiska Shabakada Allbanaadir.com
Muqdisho Somalia
Allbanaadir@live.com
