Xildhibaanada golaha shacabka ee baarlamanaka federaalka Soomaaliya ayaa goordhaw meel mariyay xeerka Matalaada Aqalka sare ee Gobolka Banaadir oo maalmihii lasoo dhaafay ka doodayeen Xildhibaanada golaha shacabka.
Meel marinta xeerkan waxaa u codeeyay 142-Xildhibaan halka ay diideen afar Xildhibaan oo kale, waxaana sidaasi ku meel maray Xeerkan oo dhigayay in gobolka Banaadir Aqalka sare ku yeesho 13-kursi.
Gudoomiyaha golaha shacabka ee Baarlamaanka federaalka Soomaaliya Maxamed Mursal Sheekh Cabdirxamaan ayaa shaaciyay in xeerkan uu meel maray ayna Xildhibaanada cod aqlabiyad leh ku ansixiyeen.
Tirada xildhibaanada aqalka sare oo markii hore aheyd 54-senator ayaa sanadka soo socda noqon doona 67-Senator, waxaana kusoo biiraya aqalka sare Senataro matali doona gobolka Banaadir.
Xafiiska Shabakada Allbanaadir.com
Muqdisho Somalia
Allbanaadir@live.com
