Waxaa xalay xaafada Sii Sii ee kutaala degmada Dayniile ka dhacay dil dad badan ka naxeen , kadib markii nin dhalinyaro ahaa xaafadaasi si xun ugu dilay nin kale oo la dhashay.
Dad ku sugan xaafada uu dilku ka dhacay ayaa noo sheegay in nin lagu magacaabo Xasan Nuur ciroobe uu dhoor xabo oo toorey ah ku dhuftay walaalkiis ka yar oo lagu magacaabayay Cabdinaasir Nuur Ciroobe.
Waxaana la sheegay ninka dilka u geestay walaalkiis uu ku dhuftay ku dhawaad 10 toorey sidaana u geeriyooday, waxaana dilka la sheegay in uu ka dhacay banaanka hore guriga ay degnaayeen wiilashaan walaalaha ahaa.
Wali lama oga sababta keentay dilka ninkan u geestay walaalkiis, ciidamada amaanka ayaana baadi goob ugu jira ninka gacan ku dhiiglaha ah ee xalay sida arxan darada ah u dilay walaalkiis kayar .
Dilkan ayaa kusoo aadaya xili isbuucyo kahor xaafada raadeelka ee degmada Dayniile uu ka dhacay dil kale oo dad badan ka naxeen kadib markii Gudoomiyihii Waaxda Halgan toorey ku dishay xaaskiisa .
Xafiiska Shabakada Allbanaadir.com
Muqdisho Somalia
Allbanaadir@live.com
