Madaxweynaha Galmudug Mudane Axmed Cabdi Kaariye ayaa maanta Magaalada Hobyo kusoo dhaweeyay wafdi ballaaran oo ka yimid magaalada Muqdisho.
Wafdiga ee hoggaaminayaan Guddoomiye ku-xigeenka 1aad ee Aqalka Sare Mudane Abshir Maxamed Ahmed iyo Gudoomiye kuxigeenka 2aad Baarlamaarka Soomaaliya Mudane Mahad Cawad ayaa iskugu jiray xubno ka socda labada aqal ee baarlamaanka , odoyaasha dhaqanka iyo ganacsato reer Galmudug ah.
Madaxweynaha Axmed Cabdi Kaariye oo maalmahanba booqasho ku marayey degaano ka tirsan Galmudug ayaa shalay galab gaaray degmada Hobyo ee Gobolka Mudug.
Maamulka iyo shacabka degmada ayaa si weyn usoo dhaweeyay madaxweynaha iyo wafdigiisa oo halkaas u tagay u kuurgelida degmada iyo dar dar gelinta qorshaha dhismaha dekeda Hobyo oo dhismaheeda ay maalgelineyso dowladda Qatar
Xafiiska Shabakada Allbanaadir.com
Muqdisho Somalia
Allbanaadir@live.com
