Nin hubeysan ayaa goor-dhaw xaafad ka mid ah degmada Wadajir ee gobalka Banaadir ku laayay qoyskiisa oo ka koobnaa afar qof.
waxaa la sheegay in isagana uu is toogtay markii uu laayey qoyskiisa ka dib sida dad goob joogayaal ah sheegayaan.
Ninkan ayaa rasaas ku furay qoyskiisa, waxaana halkaasi ku geeriyooday afar qof oo ka mid ah Dadkii guriga ku sugnaa kuwaasoo kala ahaa sadex walaalihiis ah iyo Xaaskiisa.
Ninka dilka geystay ayaa magaciisa lagu sheegay C/qaadir Caddaan, waxaana dadka uu dilay lagu kala magacaabaa Xaawo Maxamuud Caddaan oo ah Walaashiis, C/llaahi Maxamed Yalaxow iyo Maxamed Tuur-yare oo ay Ilmo Adeer ahaayeen iyo Xaaskiisa oo lagu magacaabo Xaliimo Xuseen Cali Kowshe, intaas kadib ayaa la sheegay in isagana Istoogtay ninka dilka fuliyay.
Lama oga sababta ka dambeysay arintan waxayna laamaha amaanka sheegeen iney Baarayaan falkaan naxdinta leh ee ka dhacay Degmada Wadajir ee gobolka Banaadir.
Inkastoo magaalada Muqdisho ay ka dhacaan mar kasta dilal, haddana loogama baranin dhacdooyinka noocan ah oo inta badan laga maqlo dalalka reer galbeedka iyo kuwa aan muslimka aheyn.
Wixii warbixino ah ee ku soo kordha warkan kala soco wararkeena ugu horeeya insha alllaah
Xafiiska Shabakada Allbanaadir.com
Muqdisho Somalia
Allbanaadir@live.com
