Madaxweynaha Dowlad-goboleedka Koonfur Galbeed Cabdi Casiis Xasan Maxamed (lafta-gareen) oo ku sugan Degmada Xudur ee gobolka Bakool ayaa ka hadlay caqabadaha waxbarasho ee xiligan ka jira deegaanadaasi.
Laftagareen ayaa intaas ku daray sida ay lagama maarmaanka u tahay in xal loo helo habsami u socodka adeegyada waxbarasho ee loo fidiyo ardayda
Madaxweynaha ayaa sheegay in Bisha July ee soo socota dib loo furi doono dugsiyada ku yaalla deegaanada Koonfur Galbeed, kuwaasoo loo xiray sababo la xiriira cudurka COVID-19.
Madaxweynaha dowlad-goboleedka Koonfur Galbeed waxa uu xusay in degmada Xudur ay aad uga liidato heerka waxbarasho, sidaa daraadeedna loo baahan yahay in la tayeeyo adeegyada dhanka waxbarashada ah.
Hadalka Madaxweyne Laftagareen ayaa ku soo beegmaya xili qeybo ka mid ah dalka oo  degaanada Koonfur galbeed uu ku jiro laga soo sheegayo maalin kasta kiisas cusub oo la xiriira COVID-19.
Xafiiska Shabakada Allbanaadir.com
Muqdisho Somalia
Allbanaadir@live.com
