Ciidamada NISA ayaa maanta waxay xir-xireen qaar ka mid ah Odayaal dhaqameedyo ku sugnaa degaanno hoos taga gobolka Galgaduud.
Sida wararku sheegayaan ciidamada ayaa maanta waxay degaan lagu magacaabo Baxdo oo ka tirsan degaannada Galgaduud ka wateen lix ka mid ahaa Odayaasha dhaqanka ee deegaankaasi.
Odayaashan ayaa lagu eedeeyey inay ka hor yimaadeen amar uu horay u soo saaray maamulka Galmudug, oo ahaa inaysan tegi karin degaannada ay ka arrimiyaan Al-Shabaab.
Saraakiisha NISA ayaa intaas ku daray in odayaasha ay tageen degaano ay ka taliyaan Al-Shabaab, ka dib markii ay hogaansameen amar sidaas farayey oo kooxdaas ka soo baxay, hase ahaatee lama xukunka iyo ciqaabta ay mudan doonaan odayaashan lama oga.
Wasiirka Amniga maamulka Galmudug Axmed Macalin Fiqi, ayaa shaaciyay dhowaan in tallaabo sharciga waafaqsan laga qaadi doono, dadka lagu ogaado inay tagaan deegaanada ay maamulaan Al-Shabaab, aysana u dulqaadan doonin in amar ka soo baxay kooxdaas uu ka shaqeeyo degaanada Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
