Dowlad goboleedka Galmudug ayaa bilowday in ay qarameyso maleeshiyo beeleed hubeesan oo ku sugnaa qaar kamid ah magaalooyinka iyo deegaanada maamulkaasi hoos yimaada.
Wasaarada Amniga Galmudug ayaa maanta si rasmi ah loogu wareejiyay maleeshiyaad hubeesan iyo gaadiidka dagaalka ay wateen, waxaana maleeshiyaadkan ay la wareegtay Galmudug la filayaa in tababar la galiyo si ay uga mid noqdaan ciidanka Galmudug.
Wasiirka Amniga Glamudug Axmed Macalin Fiqi iyo masuuliyiin kale ayaa goob joog ka ahaa munaasabad maleeshiyaadka iyo hubka lagula wareejinayay Galmudug, waxaa sidoo kale munaasabada joogay Odayaasha beesha ay kasoo jeedaan maleeshiyaadkan.
Maamulka Galmudug ayaa wada dadaalo badan oo lagu qarameenayo maleeshiyaadka hubeesan ee ku sugan deegaanada maamulkaasi si ay u noqdaan maleeshiyaadkaasi ciidan rasmi ah oo hoostaga Galmudug.
Â
Xafiiska Shabakada Allbanaadir.com
Muqdisho Somalia
Allbanaadir@live.com
