Xarakada Al Shabaab ayaa fagaare kuyaala degmada Ceelbuur ee gobolka Galgaduud waxa ay ku toogteen nin lagu eedeeyay in bishii ramadaan gudaha degmadaasi dil ugu geestay nin kale oo dadka deegaanka kamid ahaa.
Maxkamada Al Shabaab ee gobolka Galgaduud ayaa xukun dil ah ku riday Maxamed Jiinoow Jimcaale oo gudaha degmada Ceelbuur ku dilay nin lagu magacaabi jiray Cabdullaahi Daahir Cali.
Ehelada marxuunka uu dilay Maxamed Jiinow ayaa maxkamada ka codsaday in xukun dil ah loogu fuliyo gacan ku dhiiglaha, waxaana la sheegay in ehelada ninka horey loo dilay ay diideen in ay qaataan Diyo.
Fagaaraha xukunka dilka ah lagula fulinayay ninkan dilka geestay ayaa waxaa isugu soo baxay qaar badan oo kamid ah shacabka ku dhaqan degmada Ceelbuur iyo sidoo kale dagaalyahano iyo saraakiil katirsan Al Shabaab.
Â
Xafiiska Shabakada Allbanaadir.com
Muqdisho Somalia
Allbanaadir@live.com
