Qarax nuuca miinada dhulka lagu aaso ayaa goordhaw ka dhacay agagaarka Isgooska Tarabuunka ee degmada Hodan, waxaana qaraxan lala eegtay gaari nuuca dagaalka ah ay leeyihiin ciidanka milatariga Soomaaliya.
Goobjoogayaal ayaa ku waramay in qaraxa miino uu ka bad baaday gaariga Cabdi Billaha ah ee lala doonayay in lagu qarxiyo, waxaana qaraxa uu dhacay markii uu gaariga dagaal goobta ka gudbay .
Inta la xaqiijiyay labo qof shacab ah oo ka agdhawaa halka uu qaraxu ka dhacay ayaa ku dhaawacmay, waxaana qaraxa kadib la sheegay in ciidamadii ka bad baaday qaraxaasi rasaas kor u rideen.
Goobta qaraxa ka dhacay ayaa isbuucyo kahor waxaa ka dhacay qaraxan oo kale oo lagu dilay sargaal katirsanaa ciidanka milatariga Soomaaliya iyo ciidamo la socday, aagan qaraxyada la dhigo ayaana ku dhaw isbitaalka Digfeer.
 Xafiiska Shabakada Allbanaadir.com
Muqdisho Somalia
Allbanaadir@live.com
