Maamulka gobolka Banaadir ayaa soo bandhigay sawirada nin hubeesan oo shalay isku dayay in uu dilo sargaal katirsan ciidanka booliiska Soomaaliya, waxaana ninkan gacanta ku dhigay dad shacab ah.
Ninkan hubeesan ayaa rasaas la dhacay sargaal katirsan ciidanka booliiska oo ku sugnaa laamiga Saybiyaano ee degmada Hodan , waxaana ninkan xili uu doonayay in uu baxsado gacanta ku dhigay shacabkii goobtaasi ku sugnaa una wareejiyay laamaha amaanka.
Sida aan wararka ku helnay sargaalka ciidanka booliiska ayaa dhaawac kasoo gaaray rasaasta uu huwiyay ninkan hubeesan, waxaana sargaalka dhaawaciisa loo qaaday mid kamid ah isbitaalada Muqdisho.
Talaabadan ayaa noqoneysa midii ugu horeesay ay ku dhiiradaan shacabka Muqdisho oo ku aadan in ay qabtaan nin doonayay in uu dil geesto, halka markii hore kooxaha hubeesan inta dil geestaan si caadi dadka u dhax mari jireen iyaga oon cabsi ka muuqan.
Xafiiska Shabakada Allbanaadir.com
Muqdisho Somalia
Allbanaadir@live.com
