Qof waxyaabaha qarxa jirkiisa kusoo xiray ayaa isku dhax qarxiyay gudaha Masjid kuyaala magaalada Mubi ee dalka Nageria, waxaana qaraxan ka dhashay khasaaro badan oo isugu jira dhimasho iyo dhaawac.
Inta la xaqiijiyay waxaa qaraxan ku dhintay 24-qof oo ku dukanaysay Masjidka la qarxiyay, waxaa sidoo kale qaraxan ka dhashay dhaawac badan oo soo gaaray qaar kamid ah Jameecada Masjidka.
Madaxa Booliska Gobolka Adamawa ee dalka Nageria ayaa sheegay in Wiil qarax isku soo xiray uu gudaha u galay masjid xili Jameecada salaada xiratay, waxa uuna sheegay in qaraxaasi ku dhinteen dad badan oo masaajidka ku sugnaa.
Dalka Nageria gaar ahaan gobolada Muslimiinta ku badan yihiin waxaa ka dhaca qaraxyo lala beegsado masaajiida lagu cibaadeesto, waxaana inta badan qaraxyadaasi lagu eedeeyaa kooxda Boka Haram.
Xafiiska Shabakada Allbanaadir.com
Muqdisho Somalia
Allbanaadir@live.com
