Allbanaadir.com
MUQDISHONEWS

Dowladda Soomaaliya oo Turkiga ka guddoontay deeq kale oo Caafimaad (Sawirro)

Wasiirka caafimaadka, iyo wasiiru dowladaha arrimaha dibadda xukuumadda federaalka Soomaaliya ayaa safiir ku-xigeenka Turkiga ee Soomaaliya ka guddoomaya qalab caafimaad oo dowladda Turkigu ay ugu deeqday dowladda Soomaaliya.

Gargaarka ay dowladda Turkigu soo gaarsiisay dowladda Soomaaliya oo ah qaybtii labaad waxaa siday laba diyaaradood,  waxaana kamid ah sariiraha loo adeegsado qolalka xaaladaha deg-degga ah iyo Labiska shaqaalaha caafimaadka iyo qalab kale oo dhammaan xilligaan loo qabay baahi xooggan.

Dowladda  oo dadaal xooggan ugu jirta kahor tagga iyo xakemynta cudurka halista badan ee COVID-19 ayaa qalabkaan u adeegsaneysa dagaalka loogu jiro xakameynta Faafitaanka Feyruska Karoona.

Wasiirka caafimaadka iyo wasiiru dowladaha arrimaha dibadda ayaa dowladda Turkiga uga mahad celiyay taageerada iyo garab istaagga joogtada ah ee dowladda iyo shacabka Soomaaliyeed ay la garab taaganyihiin, iyo gurmadka degdegga ah ee xilliyada xaaladaha adag ay soo cusboonaadaan.

Dowladda Turkiga oo safka hore uga jirta dowladaha caawiya dowladda iyo shacabka Soomaaliyeed ayaa sidaan oo kale waxa ay soo gaarsiisay dowladda Soomaaliya qalabka Sheybaarka, qalabka lagu neefsado, Labiska shaqaalaha caafimaadka iyo qalab kale oo muhiim ah oo dhammaan xilligaan loo qabay baahi xooggan.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Sirdoonka Israa’iil oo xabsiga u taxaabay haween u basaasayey Iran

Caydiid Ali

Wiil 14-sano jir ah oo loo xiray dil loo geestay Wariye Maxamed Xasan

Cabdi Cade

John Mahama oo mar kale loo doortay Madaxweyne kana adkaaday xisbigs NPP

Cabdi Cade
Taboola Ads ---