Warbaahinta caalamka qaarkood ayaa horey u baahiyay warar kala duwan oo ku saabnaa xaalada nololeed ee hogaamiyaha Kuuriyada Waqooyi Kim Jong Un, warbaahinta qaar ayaana sheegay in uu u dhintay xanuun dhinaca wadnaha ah.
Kim Jong Un ayaa mudo kadib kasoo muuqday goob fagaare ah isaga oo xariga ka jarayay warshad sameysa qalabka bac-riminta beeraha sida ay baahisay warbaahinta qaranka Kuuriyada Waqooyi.
Wakaaladda wararka ee KCNA ayaa sheegtay in hogaamiye kim Jong Un fagaaro xariga uga jaray warshada, waxa ayna Wakaalada warkeeda ku dartay in aad u farxeen dadkii ku sugnaa munaasabada kadib markii ay arkeen Hogaamiyahooda.
Warkan ay baahisay Warbaahinta Qaranka Kuuriyada Waqooyi ee ku aadan in fagaare kasoo muuqday ayeysan jirin wax sawirro ama muuqaalo ah oo laga soo qaaday Hogaamiye Kim Jong Un.
Hogaamiyaha Kuuriyada Waqooyi ayaa mudo ka badan 20-maalin la arag muuqaalkiisa, waxaana soo baxayay in uu xanuunsaday laguna sameeyay qaliin dhinaca wadnaha , waxaana Warbaahinta qaar ayba sheegeen in uu dhintay Hogaamiyahaasi.
