Wasiirka Caafimaadka Soomaaliya Dr. Fawziya Abikar Nur ayaa wadahadal dhinaca internet-ka la qaadatay Safiirka Maraykanka u fadhiya Soomaaliya, Donald Y. Yamamoto iyo madaxda Hay’adda Maraynkan u qaabilsan Dhanka Horumarka (USAID).
Kulanka ayaa inta badan looga hadlay xaalada ka dhalatay caabuqa Covid -19 ee Soomaaliya kusii fidiya iyo sidii dowlada Mareykanka uga taageeri laheyd Soomaaliya dagaalka looga hortagayo cudurkan safmarka ah.
Wasiirka caafimaad XFS ayaa Dowladda Maraykan-ka uga mahadcelisay dalaadallada ay ka wadaan Soomaaliya ee ku aadan COVID-19, sidoo kalena kala hadashay sidii ay gacan buuxda uga geysan lahaayeen gurmadka wax looga qabanayo cudurka COVID-19.
Dhinaca kale dowlada Mareykanka ayaa u balan qaaday Soomaaliya in ay ka taageerayaan xakameynta caabuqa Covid-19, waxa uuna sheegay Donlad Yamamoto in garab taagan yihiin dowlada iyo shacabka Soomaaliyeed.
Qaar kamid ah wadamada caalamka ayaa Soomaaliya ka taageeraya xakameynta caabuqa Covid-19, dowladaha caalamka qaarkood ayaana Soomaaliya ku caawiyay dhaqaale lagula diriro Covid-19 halka dowladaha qaarna ku deeqeen qalab iyo daawooyin.
Xafiiska Shabakada Allbanaadir.com
Muqdisho Somalia
Allbanaadir@live.com
