Xildhibaannada Baarlamaanka labaad ee Maamulka Koonfur Galbeed ayaa mudo kordhin u sameeyay Madaxweynaha Maamulkaasi Cabdicasiis Laftagareen kadib kulan ay ku yeesheen magaalada Baydhabo.
Madaxweyne Cabdi Casiis Xasan Maxamed (laftagareen) ayaa Xildhibaannada Koonfur Galbeed ka codsadey in ay u sameeyaan muddo kordhin ayna ugu daraan mudo xileedkiisa mudo hal sano ah.
Xildhibaano taageersan Madaxweyne Laftagareen oo gaaraya 33 mudane ayaa Gudoonka Baarlamaanka u gudbiyay mooshin ay ku dalbanayaan in mudo xileedka Madaxweynaha hal sano lagu daro.
Kulanka Baarlamaanka oo goobjoog ahaayeen 87 Xildhibaan ayaa cod gacan taag ah ugu codeeyey in muddo xileedka Madaxweynaha Koonfur Galbeed loogu daro muddo hal Sano ah si la isku waafajiyo doorashooyinka Baarlamaanka iyo tan Madaxweynaha.
Madaxweynaha Koonfur Galbeed ayaa hada xilka haya mudo sanad bilooyin ah, waxaana xilka uu sii heyn doonaa mudo afar sano ah iyadoona isku waqti dhici doonaan Xilka Madxaweynaha iyo Baarlamaanka oo horey u kala duwanaa.
Xafiiska Shabakada Allbanaadir.com
Muqdisho Somalia
Allbanaadir@live.com
