Warbaahinta Al Shabaab taageerta ayaa baahisay in dagaalyahano katirsan kooxdaasi si xeeladeesan ku dileen askari katirsan ciidamada ciidamada Nabad ilaalinta u jooga Soomaaliya ee AMISOM ..
Al Shabaab ayaa sheegtay in shiishyahan katirsan kooxdooda toogasho ku dilay askari katirsan ciidamada AMISOM oo u dhashay dalka Uganda oo ku sugnaa deegaanka Ambareesa ee duleedka magaalada Baraawe.
Toogashasa kadib ayaa la sheegay in ciidamada AMISOM ay fureen rasaas badan sidoo kale rideen madaafiic, waxaana goobta isaga tagay dagaalyahanadii Al Shabaab oo toogashada ku dilay askariga katirsan AMISOM.
Weerarada toogashada ayaa inta badan looga baran in Al Shabaab ka geestaan xeryaha ciidamada AMISOM, waxaana inta badan Al Shabaab ciidamada AMISOM la beegsan jireen qaraxyo iyo weeraro kale oo gaadmo ah.
Xafiiska Shabakada Allbanaadir.com
Muqdisho Somalia
Allbanaadir@live.com
