Wararka ka imaanaya gobolka Sh/dhexe ayaa sheegaya in qarax xoog leh lala beegsaday Ciidanka AMISOM gaar ahaan qeybta Burundi meel u dhow degaanka Gololey xili ay ku jireen socod roondo ah.
Khasaaraha dhabta ah ee ka dhashay weerarkan lama oga balse dadka degaanka waxaa ay sheegeen in ay arkeen gaari kuwa ciidamada oo qaraxa uu burburiyay.
Wali wax war ah kama soo bixin taliska AMISOM, laakin Kooxda Al-Shabaab ayaa sheegatay masuuliyada qaraxa, iyagoo xusay iney khasaare xoogan ugu geysteen ciidamada qaraxa ay la beegsadeen.
Wadada u dhaxeysa Balcad iyo Jowhar ayaa aheyd mid aad u halis badan ka dib markii xoogaga Al-Shabaab ay ka geysteen dhowr jeer weerar oo lagu waxyeeleeyay ciidamada AMISOM iyo mas’uuliyiin ka tirsan maamulka gobolka Sh/dhexe iyo kan Hirshabelle.
Xafiiska Shabakada Allbanaadir.com
Muqdisho Somalia
Allbanaadir@live.com
