Agaasimaha Hay’adda Nabadsugida iyo Sirdoonka Qaranka Soomaaliyeed NISA Fahad Yaasiin Xaaji Daahir ayaa Taliye cusub u magacaabay Nabadsugida Gobolka Banaadir.
Fahad Yaasiin ayaa wareegto kasoo baxday Xafiiskiisa waxaa xilka Taliyaha cusub ee Nabadsugida Gobolka Banaadir u Magacaabay Yaasiin Cabdullaahi Farey.
Taliyaha la magacaabay ayaa bedelaya Taliyihii KMG ahaa ee Nabad sugida gobolka Benaadir Ciise Maxamed Ciise.
“Ciidanka Nabadsugida Gobolka Banaadir ayaa la farayaa inay la shaqeeyaan Taliyaha Cusub ee la Magacaabay si uu u guto waajibaadkiisa shaqo” ayaa lagu yiri wareegtada ka soo baxday agaasimaha NISA.
Yaasiin Cabdullaahi Farey oo ah Taliyaha cusub ee loo magacaabay Nabad sugida Gobolka Banaadir ayaa ahaa Madaxa Ilaalada gaarka ah ee Agaasimaha Hay’adda NISA, isagoo horeyna ula soo shaqeeyay Taliyeyaal kale.
Xafiiska Shabakada Allbanaadir.com
Muqdisho Somalia
Allbanaadir@live.com
