Taliska ciidamada Mareykanka ee Afrika (AFRICOM) ayaa shaaciyey in saddex duqeyn oo cirka ah uu ka fuliyey Gobolka Sh/Hoose, iyadoo lagu dilay xubno ka mida Alshabaab.
Qoraalka AFRICOM ayaa lagu sheegay in saddexda weerar oo ka dhacay shalay degaanka Mubaarak ee Gobolka Sh/Hoose in lagu dilay 8 ka mida Alshabaab, isla markaana aanay wax qasaare ah kasoo gaarin dad rayid ah.
AFRICOM ayaa sheegtay in iyadoo dunida ay dagaal kula jirto coronavirus, haddana ay sii wadi doonto weerarrada ka dhanka ah Al-shabaab oo lagu curyaaminayo dhaqdhaqaaqooda.
Taliska ayaa shaaciyay inay duqeyn dhinaca cirka ah Jimcihii ku beegsadeen dagaalyahano ka tirsan ururka Al-Shabaab oo ku sugnaa agagaarka tuulada Bush Madina ee gobolka Bay, halkaasoo ay sheegeen in lagu dilay 5 argagixiso sida ay warka u dhigeen.
Xafiiska Shabakada Allbanaadir.com
Muqdisho Somalia
Allbanaadir@live.com
