Madaxweynihii hore ee Galmudug Axmed Ducaale Geelle Xaaf ayaa mudo kadib maanta dib ugu laabtay magaalada Dhuusomareeb ee caasimada Galmudug, waxaana halkaasi si diiran ugu soo dhaweeyay Madaxda Galmudug iyo qeybaha kala duwan ee bulshadaa.
Xaaf oo Warbaahinta la hadlay ayaa sheegay in maanta tahay maalin weyn oo qiimo badan ugu fadhisa reer Galmudug, waxa uuna sheegay in khilaafka iyo kala taga uu yahay fitno loona baahan yahay in laga gudbo.
Waxa uu sheegay Madaxweynihii hore ee Galmudug in uu u tanaasulay danta iyo helitaanka Galmudug loo dhan yahay , waxa uuna ugu baaqay madaxda Galmudug iyo shacabka in ay kawada shaqeeyaan hormarka Galmudug iyo danaheeda.
Madaxweynihii hore ee Galmudug Axmed Ducaale ayaa sidoo kale sheegay in uu kusii sugnaan doono deegaanada maamulka Galmudug kana shaqeyn doono horumarka iyo danta maamulka Galmudug.
Shacabka Galmudug ayaana aad ugu farxay una soo dhaweeyay tanaasulka Madaxweynihii hore ee Galmudug Xaaf oo diidanaa doorashadii uu kusoo baxay Madaxweyne Qoor Qoor kuna adkeesanayay in uu yahay Madaxweynaha saxda ah ee Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
