Wararka ka imaanaya Waqooyiga magaalada Gaalkacyo ee maamulka Puntland ayaa sheegaya in goordhaw qarax ismiidaamin ah lagu qaaday goob ay ku sugnaayeen saraakiil ciidan.
Sida aan Wararka ku heleyno qof jirkiisa waxyaabaha qarxa kusoo xiray ayaa isku qarxiyay goob ay ku sugnaayeen taliyaha ciidanka isku dhafka gobolka mudug iyo Saraakiil kale oo katirsan ciidanka isku dhafka ah.
Weerarkan ismiidaaminta ah ayaa ka dhacay halka lagu magacaabo  jiiro Cabdilaahi Yuusuf oo kutaala Waqooyiga Gaalkacyo, waxaana qaraxan ka dhashay khasaaro isugu jira dhimasho iyo dhaawac.
Dadka ku dhintay qaraxan Ismiidaaminta ah waxaa kamid ah  taliyihii isku dhafka ciidamada gobolka mudug Cabdixukun cabdilaahi Maxamuud Xoreeye iyo Cabdiqani Axmed Geyre oo ka mid ahaa saraakiisha ciidamada isku dhafka oo ay maamusho dawlada federaalka .
Qaraxan ismiidaaminta ah ayaa sidoo kale waxaa khasaaro uu kasoo gaaray dad shacab ah oo ka agdhawaa halka uu qaraxu ka dhacay, waxaana Waqooyiga Gaalkacyo ka taagan xaalad kacsanaan ah.
Waxii Warar ah ee kusoo kordha kala Soco Wararkaaga Dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
