Xildhibaan Mahad Salaad oo ka tirsan baarlamanka Somalia ayaa dhaliilay go’aanka dhexdhexaadnimada ah ee madaxda DF ka qaateen khilaafka ka dhex aloosan dalalka Masar iyo Itoobiya ee salka ku haya qeybiga biyaha webiga Niil.
HOOS KA AKHRISO QORAAL KULUL OO MAHAD SALAAD KU WEERARAY MADAXWEYNE FARMAAJO IYO RW KHAYRE
Dowladda Soomaaliya ayaa ka daba-tagtay, kana laabatay qaraarkii Jaamacadda Carabta ee ay horay u taageertay, kaasoo lagu cambaareynayay dowladda Itoobiya qorshaheeda ku saabsan biyo xireenka Wabiga Niil. Go’aanka dowlada Soomaaliya ayaa yimid kadib markii Ra’iisul Wasaaraha Itoobiya Abiy Axmed cadaadis ku saaray Madaxweyne Farmaajo iyo Ra’iisul Wasaare Khayre in dowlada Soomaaliya ka laabato qaraarkaas!
Waxaa xusid mudan in dowlada Qatar oo xiriir aad xun kala dhaxeeyo Masar ay taageertay qaraarka Jaamacada Carabta, ayna lama filan tahay in DFS buriso mowqifkeedii hore ee ay ku taageertay qaraarka Jaamacada Carabta. Annagoo wada xusuusanna in dowladda Soomaaliya ay la safatay Masar markii Wadamada Carbeed badankood xiriirka u gooyeen, kadib heshiiskii Camp David ee ay la gashay Israa’il 1978.
Sidoo kale Masar waxay door muhiim ah ku lahayd in Soomaaliya laga difaaco dagaalkii Itoobiya ku soo qaaday sanadkii 1964kii, hubkii ciidamada qalabka sida xilligaas ku dagaal galeena waxa laga keenay Masar ka hor intaan Ruushka iyo Jarmalka hub laga helin. Sidaas daraadeed nagama mudna walaalaheen inaan maanta ugu abaal gudno inaan Itoobiya kala jirsano.
W/Q: Xildhibaan Mahad Salaad oo ka tirsan
Baarlamanka federaalka Somalia
Xafiiska Shabakada Allbanaadir.com
Muqdisho Somalia
Allbanaadir@live.com
