Ciidamada amaanka maamulka Galmudug ayaa howlgal ay ka sameeyeen Koonfurta magaalada Gaalkacyo waxa ay kusoo qabteen jaakad waxyaabaha qarxa lagu soo qariyay lana doonayay in weerar loo adeegsado.
Taliyaha qeybta Booliska gobolka Mudug, G/ Shexe Qaasim Sheekh Doon Cali oo warbaahinta la hadlay ayaa sheegay in ciidamada amaanka oo qabteen jaakad qarayo ku jireen iyo agabkii loo adeegan lahaa in lagu qarxiyo.
Waxa uu sheegay taliyaha in soo qabashada jaakad qaraxa loo adeegsan rabay ay sahashay xog ay bulshada ka heleen, waxa uuna tilmaamay in ciidamada diyaar u yihiin kahor taga falalka amaan daro ay maleegayaan kooxo uu cadaw ku tilmaamay.
Ciidamada amaanka maamulka Galmudug ayaa la sheegay in ay baadi goob ugu jireen ragii diyaarinayay qaraxaasi la qabtay, waxaana Koonfurta Gaalkacyo ka socda howlgalo ay wadaan ciidamada amaanka Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
