Wararka ka imanaya Magaalada Gaarisa ee Waqooyi bari Kenya ayaa sheegaya in afar qof ay ku dhinteen kadib markii qarax lala beegsaday baabuur ambalaas ah.
Xilliga qaraxu qabsanayey gaariga ayaa siday bukaanno Soomaali ah oo loo soo waday isbitaalka weyn ee magaalada Gaarisa, waxaana Qaraxu uu ka dhacay deegaanka Ijaara.
Qaraxa ka dib dabley hubeysan oo la aaminsan yahay iney ka tirsan yihiin Al-Shabaab ayaa rasaas ooda kaga qaaday gaariga ambalaaska ah ee qaraxu qabsaday sida dad halkaas ka dhowaa ay sheegeen.
Darawalka waday gaariga ambalaaska iyo saddex ka mid ah bukaanadii uu siday oo la ildarnaa cuduro kala duwan ayaa goobtaas ku naf waayey halka qaar kale ay ku dhaawacmeen.
Ma jirto illaa hadda cid sheegatay inkastoo qaraxyada iyo weerarada noocan ah looga bartay al-shabaab, iyadoo ciidamada amaanka dalka kenya aysan ka hadlin weerarkan.
Xafiiska Shabakada Allbanaadir.com
Muqdisho Somalia
Allbanaadir@live.com
