Xildhibaanada baarlamaanka maamulka Galmudug ayaa maanta ansixiyey in xildhibaanada qaarkood lagu soo dari karo golaha wasiirada maamulka Galmudug.
Ku dhawaad 56 mudane ayaa meel mariyay mooshinka ay soo gudbiyeen xildhibaano kor u dhaafaya 20 xildhibaan sida uu sheegay Guddoomiyaha baarlamaanka Galmudug ayaa Dr. Maxamed Nuur Gacal.
Waxaa uu intaas ku daray in dhammaan Xildhibaanadii soo xaadiray kulanka ay u codeeyeen in meesha laga saaro qodobka dastuurka maamulkaas ku yaalla ee Xildhibaanada ka hor istaagaya inay noqdaan Wasiiro.
Madaxweyne Qoorqoor ayaa la filayaa inuu dhowaan ku dhawaaqo golaha wasiirada cusub ee maamulkiisa ka dib marka ay dhamaato xaflada caleemo saarkiisa oo 26-ka bishan ka dhaceysa Dhuusamareeb.
Xafiiska Shabakada Allbanaadir.com
Muqdisho Somalia
Allbanaadir@live.com
