Ra’iisul Wasaaraha Somalia Xassan Cali Khayre ayaa xafiiska ku qaabilay Ugaas Xasan Ugaas Khaliif oo ah ugaaska beesha Xawaadle oo ku sugnaa Muqdisho.
Xassan Cali Khayre ayaa bogaadiyay dowrka dhaqanka ee horumarinta Bulshada. Ugaaska ayaa Ra’iisul Wasaaraha uga mahad celiyay soo dhaweynta ballaaran.
Kulanka ka dib, Ra’iisul Wasaaraha Somalia ayaa Ugaaska guddoonsiiyey shahaado sharaf uu ku muteystay doorka uu kaga jiro dib u heshiisiinta nabadeynta beelaha Soomaaliyeed.
Ugaas Xasan Ugaas Khaliif ayaa horey ula kulmay Madaxweynaha Somalia Maxamed C/llaahi Farmaajo, waxayna wararka qaarkood sheegayaan in ugaaska laga aqbalay dalabaad uu u gudbiyey madaxda sare oo ku saabsan mashaariic laga fulinayo gobolka Hiiraan.
Xafiiska Shabakada Allbanaadir.com
Muqdisho Somalia
Allbanaadir@live.com
